Certified Poem Addict

sumikat ang araw sa kanluran
at sa duya'y kinanlong ang ulan
lumagpas ang alon sa dalampasigan
at sa buwa'y nakipagsapalaran

lumisan na naman ang ulap kinaumagahan
nanggimbal ang kulog sa kalawakan
ang kidlat ay biglang nagsialisan
at ang bitui'y nawalan ng kamalayan

umiiyak na naman ang langit
hindi na nakayanan ang pait
ng mundong nasobrahan sa manhid
mawawala na ang mga balakid

patuloy ang hangin sa pagsuyo
sa mapusok at mapagsamantalang ipu-ipo
ang kalikasa'y sirang-sira na
kaya naman ang ula'y hindi pa humihinto sa pagluha

ikasampu2909061452
ymcaoffice

sa pagbuhos ng ulan
sana ako'y iyong maalala
ang aking ngiti, ang aking tawa
at mga kalokohang aking nagawa

sa pagbuhos ng ulan,
huwag kalimutang ngumiti
lagyan ng tamis ang labi
pagaanin ang sarili

sa pagbuhos ng ulan,
maging maligaya, bumalik sa pagkabata
tumakbo, maging malaya
ang buhay ay minsan kaya bigyang halaga


ulan(7)1009061531

hay naku, grabe na ito
sadyang napakagulo ng mundo
paulit-ulit na lamang ang mga nangyayari
pakiramdam ko, lahat ay wala nang silbi

tinanong ko sa Diyos kung ano ang saysay ko
matagal bago ko nakuha ang sagot ko
napangiti na lamang ako sa aking tinuran
ano bang karapatan kong magtanong sa Maykapangyahiran?

madalas noon ako ay takot
nahihirapan, laging nakabaluktot
tinanong ko ang Diyos kung bakit nagkaganoon
bakit ba ayaw kong huminahon?

wala lang akong magawa kaya ako gumagawa ng tula
subalit hindi ibig sabihin na ako ay ganap nang makata
pinanganak akong katambal ang ligaya at luha
at natutunan kong kumuha nang lakas sa mga salita

hindi ko na alam kung ano ang isusunod
basta ang alam ko ngayon ako ay malugod
at ito ay dahil sa aking Diyos Ama
na pinapahalagahan pa rin ako sa kabila ng aking mga nagawa

walangmagawa2908061136